Gopal chalisa lyrics in hindi | Shri gopal chalisa | श्री गोपाल चालीसा

|| श्री गोपाल चालीसा ||

|| दोहा ||

श्री राधापद कमल रज, सिर धरि यमुना कुले |
वरणो चालीसा सरस, सकल सुमंगल मूल ||

|| चौपाई ||

जय जय पूरण ब्रह्म बिहारी |
दुष्ट दलन लीला अवतारी ||

जो कोई तुम्हरी लीला गावै |
बिन श्रम सकल पदारथ पावै ||

श्री वशुदेव देवकी माता |
प्रकट भये संग हलधर भ्राता |

मथुरा सों प्रभु गोकुल आये |
नन्द भवन में बजत बधाये ||

जो विष देन पूतना आई |
सो मुक्ति दै धाम पठाई |

तृणावर्तं राक्षस संहारयो |
पग बढ़ाय सकटासुर मार्यो ||

खेल खेल में माटी खाई |
मुख में सब जग दियो दिखाई ||

गोपिन घर घर माखन खायो |
जसुमति बाल केलि सुख पायो ||

ऊखल सों निज अंग बंधाई |
यमलार्जुन जड़ योनि छुड़ाई ||

बका असुर की चोंच विदारी |
विकट अधासुर दियो सँहारी ||

ब्रह्मा बालक वत्स चुराये |
मोहन को मोहन हित आये |

बाल वत्स सब बने मुरारी |
ब्रह्मा विनय करी तब भारी ||

काली नाग नाथि भगवाना |
दावानल को कीन्हों पाना ||

सखन संग खेलत सुख पायो |
श्री दामा निज कंध चढ़ायो ||

चीर हरन करि सीख सिखाई |
नख पर गिरवर लियो उठाई ||

दरश यज्ञ पत्निन को दीन्हों |
राधा प्रेम सुधा सुख लीन्हों ||

नन्दहिं वरुण लोक सों लाये |
ग्वालन को निज लोक दिखाये ||

शरद चंद्र लखि वेणु बजाई |
अति सुख दीन्हों रास रचाई ||

अजगर सों पितु चरण छुड़ायो |
शंखचूड़ को मूड़ गिरायो ||

हने अरिष्टा सुर अरु केशी |
व्योमासुर मारयो छल वेषी ||

व्याकुल ब्रज तजि मथुरा आये |
मारि कंस यदुवंश बसाये ||

मात पिता की बन्दि छुड़ाई |
सांदीपनि गृह विद्या पाई ||

पुनि पठयौ ब्रज ऊधौ ज्ञानी |
प्रेम देखि सुधि सकल भुलानी ||

कीन्हीं कुबरी सुन्दर नारी |
हरि लाये रुक्मणि सुकुमारी ||

भौमासुर हनि भक्त छुड़ाये |
सुरन जीति सुरतरु महि लाये ||

दन्तवक्र शिशुपाल संहारे |
खग मृग नृग अरु बधिक उधारे ||

दीन सुदामा धनपति कीन्हों |
पारथ रथ सारथि यश लीन्हों ||

गीता ज्ञान सिखावन हारे |
अर्जुन मोह मिटावन हारे ||

केला भक्त बिदुर घर पायो |
युद्ध महाभारत रचवायो ||

द्रुपद सुता को चीर बढ़ायो |
गर्भ परीक्षत जगत बचायो ||

कच्छ मच्छ वाराह अहीशा |
बावन कल्की बुद्धि मुनीशा ||

ह्वै नृसिंग प्रह्लाद उबारयो |
राम रूप धरि रावण मारयो ||

जय मधु कैटभ दैत्य हनैया |
अम्बरीष प्रिय चक्र धरैया ||

ब्याध अजामिल दीन्हें तारी |
शबरी अरु गणिका सी नारी ||

गरुड़ासन गज फंद निकंदर |
देहु दरश ध्रुव नयनानंदन ||

देहु शुद्ध सन्तन कर सङ्गा |
बाढ़ै प्रेम भक्ति रस रङ्गा ||

देहु दिव्य वृन्दावन बासा |
छूटै मृग तृष्णा जग आशा ||

तुम्हरो ध्यान धरत शिव नारद |
शुक सनकादिक ब्रह्मविशारद ||

जय जय राधारमण कृपाला |
हरण सकल संकट भ्रम जाला ||

बिनसैं बिघन रोग दुःख भारी |
जो सुमरैं जगपति गिरधारी ||

जो सत बार पढ़ै चालीसा |
देहि सकल बांछित फल शीशा ||

|| छंद ||

गोपाल चालीसा पढ़ै नित, नेम सों चित्त लवाई |
सो दिव्य तन धरि अंत महँ, गोलोक धाम सिधवाई ||

संसार सुख सम्पति सकल, जो भक्तजन सन महँ चहैं |
जयरामदेव सदैव सो, गुरुदेव दाया सों लहैं ||

|| दोहा ||

प्रणत पाल अशरण शरण, करुणा सिंधु ब्रजेश |
चालीसा के संग मोहि, अपनावहु प्राणेश ||

doha

shree raadhaapad kamal raj, sir dhari yamuna kule |
varano chaaleesa saras, sakal sumangal mool ||

|| chaupaee ||

jay jay pooran brahm bihaaree, dusht dalan leela avataaree |
jo koee tumharee leela gaavai, bin shram sakal padaarath paavai ||

shree vashudev devakee maata, prakat bhaye sang haladhar bhraata |
mathura son prabhu gokul aaye, nand bhavan mein bajat badhaaye ||

jo vish den pootana aaee, so mukti dai dhaam pathaee |
trnaavartan raakshas sanhaarayo, [pag badhaay sakataasur maaryo ||

khel khel mein maatee khaee, mukh mein sab jag diyo dikhaee |
gopin ghar ghar maakhan khaayo, jasumati baal keli sukh paayo ||

ookhal son nij ang bandhaee, yamalaarjun jad yoni chhudaee |
baka asur kee chonch vidaaree, vikat adhaasur diyo sanhaaree ||

brahma baalak vats churaaye, mohan ko mohan hit aaye |
baal vats sab bane muraaree, brahma vinay karee tab bhaaree ||

kaalee naag naathi bhagavaana, daavaanal ko keenhon paana |
sakhan sang khelat sukh paayo, shree daama nij kandh chadhaayo ||

cheer haran kari seekh sikhaee, nakh par giravar liyo uthaee |
darash yagy patnin ko deenhon, raadha prem sudha sukh leenhon ||

nandahin varun lok son laaye, gvaalan ko nij lok dikhaaye |
sharad chandr lakhi venu bajaee, ati sukh deenhon raas rachaee ||

ajagar son pitu charan chhudaayo, shankhachood ko mood giraayo |
hane arishta sur aru keshee, vyomaasur maarayo chhal veshee ||

vyaakul braj taji mathura aaye, maari kans yaduvansh basaaye |
maat pita kee bandi chhudaee, saandeepani grh vidya paee ||

puni pathayau braj oodhau gyaanee, prem dekhi sudhi sakal bhulaanee|
keenheen kubaree sundar naaree, hari laaye rukmani sukumaaree ||

bhaumaasur hani bhakt chhudaaye suran jeeti surataru mahi laaye |
dantavakr shishupaal sanhaare, khag mrg nrg aru badhik udhaare ||

deen sudaama dhanapati keenhon, paarath rath saarathi yash leenhon|
geeta gyaan sikhaavan haare, arjun moh mitaavan haare ||

kela bhakt bidur ghar paayo, yuddh mahaabhaarat rachavaayo |
drupad suta ko cheer badhaayo, garbh pareekshat jagat bachaayo ||

 

kachchh machchh vaaraah aheesha, baavan kalkee buddhi muneesha |

hvai nrsing prahlaad ubaarayo, raam roop dhari raavan maarayo ||

jay madhu kaitabh daity hanaiya, ambareesh priy chakr dharaiya |
byaadh ajaamil deenhen taaree, shabaree aru ganika see naaree ||

garudaasan gaj phand nikandar, dehu darash dhruv nayanaanandan |
dehu shuddh santan kar sanga, baadhai prem bhakti ras ranga ||

dehu divy vrndaavan baasa, chhootai mrg trshna jag aasha |
tumharo dhyaan dharat shiv naarad, shuk sanakaadik brahmavishaarad ||

jay jay raadhaaraman krpaala, haran sakal sankat bhram jaala |
binasain bighan rog duhkh bhaaree, jo sumarain jagapati giradhaaree |

jo sat baar padhai chaaleesa, dehi sakal baanchhit phal sheesha ||

|| chhand ||

gopaal chaaleesa padhai nit, nem son chitt lavaee |
so divy tan dhari ant mahan, golok dhaam sidhavaee ||

sansaar sukh sampati sakal, jo bhaktajan san mahan chahain |
jayaraamadev sadaiv so, gurudev daaya son lahain ||

|| doha ||

pranat paal asharan sharan, karuna sindhu brajesh |
chaaleesa ke sang mohi, apanaavahu praanesh ||

Gopal chalisa lyrics in hindi | Shri gopal chalisa | श्री गोपाल चालीसा

राधा कृष्ण भजन

हनुमानाष्टक

श्री राधे गोविंदा लिरिक्स

श्री शिव पंचाक्षर स्तोत्र

हिन्दू धर्म के संस्कृत मंत्र

नारायण स्तोत्रम्

महिषासुर मर्दिनी स्तोत्र

महालक्ष्मी अष्टकम पाठ

श्री गणेश मंत्र प्रभाव स्तुतिः

श्री राम रक्षा स्तोत्र